ბორჯომის რაიონის სოფელ ზანავში ნაპოვნია ეს ჰასკი. თუ ეძებს პატრონი , დარეკოს: 555 17 54 17

28 აგვისტოს თავშესაფარიდან გავაჩუქეთ აგრარულ უნივერსიტეტთან ნაპოვნი ჰასკის ლეკვი . ლეკვი ჩვენთან მოხვდა ფეხის მოტეხილობით,ვუმკურნალეთ ,მოვარჩინეთ და დღეს ვაჩუქეთ სანდრო თევზაძეს.

28 აგვისტოს ბექა ბრეგვაძემ მოაკითხა მასზე მიკედლებულ ამ ძაღლს ,რომელიც 2 თვე მკურნალობდა ჩვენ თავშესაფარში კანქვეშა ტკიპაზე. ძაღლი გამოვაჯანმრთელეთ და გავატანეთ მიმკედლებელს.

თბილისში, იაშვილის კლინიკასთან 2 დღის წინ ეს პატარა ძაღლი გამოჩნდა . აშკარად ეტყობოდა, რომ არ იყო ჯანმრთელი. მარიამ ვახტანგიშვილმა წაიყვანა ექიმთან . დაუდგინდა ლეიშმანიოზი . სამკურნალოდ დახმარება ჩვენ გვთხოვეს. მივიღეთ. მედიკამენტები და 5 კგ. საკვებიც დაუტოვეს ძაღლს. ვუმკურნალებთ და ......

სოფელ ძალისში პატრონისაგან საშოს სარკომის გამო მიტოვებული კანე კორსო ,რომელსაც სამი თვე ვმკურნალობდით თავშესაფარში და გამოვაჯანმრთელეთ , 26 აგვისტოს გავაჩუქეთ ძალიან კარგ ოჯახში. დღეიდან მისი პატრონია დიმიტრი ქარჩავა.

20 აგვისტოს "ორი ტონა" წაიყვანა ლევან კაპანაძემ. ამ პატარა ლეკვს "ორი ტონა " იმიტომ დავარქვით, რომ ვარკეთილში რესტორან "ორ ტონასთან" იყო მიკედლებული . მანქანა დაეჯახა და ფეხი მოტეხა. თავშესაფარში ვუმკურნალეთ,შევუხორცეთ გატეხილი ძვალი და გამოჯანმრთელებული ბატონმა ლევანმა წაიყვანა მიკედლების ადგილას.

1 თვის წინ ქალბატონმა ინგა გოგებაშვილმა მოგვიყვანა ლეკვი ფეხის ტრავმით და მკურნალობაში დახმარება გვთხოვა . ვუმკურნალეთ, გამოვაჯანმრთელეთ და გავატანეთ უკან . 

13 აგვისტოს ეს ლამაზი ცუგა გავწერეთ თავშესაფრიდან . ის რამდენიმე დღის წინ ფეხის ტრავმით მივიღეთ თავშესაფარში. ვუმკურნალეთ, მოვარჩინეთ და მიმკედლებელმა ქალბატონმა მელანია გურგენიძემ წაიყვანა ბელიაშვილის ქუჩაზე მიკედლების ადგილას.

2021 წლის 3 ივლისს დამიკავშირდნენ ბექა ბრევაძე და ნაკა ჭაობაშვილი . ვარკეთილის მეურნეობის მიმდებარედ ავადმყოფი ძაღლი შეამჩნიეს , გულგრილად ვერ ჩაუარეს და მოიყვანეს ჩემ თავშესაფარში. მიუხედავად შიმშილისა ,უწამლობისა და ფინანსური პრობლემებისა დავიტოვე ძაღლი სამკურნალოდ.