ეს კანე კორსო აი ასეთ მდგომარეობაში (იხ. 1 სურათი) სოფელ ძალისში მიატოვა პატრონმა. ძაღლს საშოს სარკომა ჰქონდა. 7 აპრილს კეთილმა ადამიანებმა მოიყვანეს თავშესაფარში.პირველ ეტაპზე ბევრი გულშემატკივარი ჰყავდა ძაღლს. განსაკუთრებით კანე კორსოს ჯგუფიდან . საჭმელსაც უგზავნიდნენ და ოპერაციის დაფინანსებაშიც მიიღეს მონაწილეობა. დღეს 23 აგვისტოს წარმატებული ოპერაციის შემდეგ ძაღლი სრულიად ჯანმრთელია და აი ასე გამოიყურება (იხ. მე-2 სურათი) .
გაჩუქება გვინდა , მაგრამ ნაავადმყოფარი ძაღლი არავის უნდა . ყველამ დაივიწყა. საჭმელსაც არავინ უგზავნის . არა და ასეთი გადარჩენილი ძაღლი თავშესაფარში 270-ზე მეტია . ყველას ჭამა უნდა და მოვლა-პატრონობა . რა ქნას ერთმა კაცმა, თამაზ ელიზბარაშვილმა. რომელსაც ამ კეთილ საქმეში არც მთავრობა ეხმარება და არც რომელიმე ბიზნესს ჯგუფი. არასოდეს არც გრანტი ,ან რაიმე სხვა დახმარება არ მიუღია უცხოეთიდანაც . თქვენი დახმარების იმედი აქვს ამ კაცს კეთილო ადამიანებო და მგონი თქვენც დაგავიწყდათ, რომ თავშესაფარის ბინადრებს ჭამა და წამალი უნდათ, მომსახურე პერსონალს ხელფასი , კომუნალური გადასახადები გადასახდელია ,ამორტიზირებული ბუნაგები შესაცვლელია . რა აზრი ჰქონდა ამ კანე კორსოს ან სხვა დანარჩენი 270 ძაღლის გადარჩენას თუ ისინი შიმშილით დაიხოცებიან თავშესაფარში?
