თბილისში, ვაკე საბურთალოს გზაზე, გივი სვანიძის 30 ნომერში 2004 წლიდან არსებობს ,,თამაზ ელიზბარაშვილის ძაღლების თავშესაფრი“. რომელიც ბიზნესმენმა თამაზ ელიზბარაშვილმა დააფუძნა და საკუთარი ხარჯებით, ათ წელზე მეტია ოთხიათასამდე ძაღლი შეიფარა.
ამ კეთილ საქმეს მოწინააღმდეგეები არასდროს აკლდა.თავშესაფრის მიმდებარე ტერიტორიაზე მცხოვრები მოსახლეობა პერიოდულად საჩივარს წერს. საბოლოოდ კი, კომპენსაციის ხარჯზე გვარდება კონფლიქტი. (აქვე იმასაც აღვნიშნავ ,რომ ძირითადად ერთი და იგივე ხალხი გამოთქვამს პროტესტს).
ყველაფერს აქვს დასასრული და საზღვარი, თუმცა მათ აგრესიას ძაღლების თავშესაფრის მიმართ, არა, პირიქით ,ამ ბოლო დროს გამძაფრებული ხასიათი მიიღო და საგრძნობლად იმატა პროვოკაციებმა, რაც გამოიხატება ძაღლების მოკვლასა და მკვდარი ძაღლების თავშესაფრის გვერდით ჩამომავალ მდინარე ვერეში ჩაგდებით. მათი აგრესიის მსხვერპლი გახდა ათობით თავშესაფრის ბინადარი.
ისინი უკიდურეს ზომებს მიმართავენ, რათა მიაღწიონ იმას, რომ თავშესაფარი დაიხუროს.
ყოველ ინციდენტზე ხდება საპატრულო პოლიციის გამოძახება და დაფიქსირება.
ის რაც გუშინ ღამით, დაახლოებით თერთმეტი საათისთვის მოხდა ,ყოველგვარ საზღვარს სცილდება.
თავშესაფრის მეზობლად მცხოვრებმა ტარიელ ჭანტურიძემ პროვოკაცია დაგეგმა, სავარაუდო მოიწვია ოპერატორები , თავად გამიზნულად თავშესაფრის მიმართულებით ისროდა ქვებს, ქვები რაღათქმა უნად ძაღლებს და ვოლიერებს ხვდებოდა, რაც ბუნებრივია ძაღლების გაღეზიანებას იწვევდა. მოწვეული ოპერატორები აფიქსირებდნენ მხოლოდ ძაღლების ყეფას და არა ჭანტურიძის ვანდალურ ქცევას.
ხმაურზე თავშესაფრის თანამშრომლები გამოვიდნენ და შეეცადნენ ფოტოების გადაღებას, მაგრამ პროვოკატორები სწრაფად გაუჩინარდნენ, აქვე იმასაც მივანიშნებთ, რომ მანქანა საქართველოს იუსტიციის სამინისტროს აღსრულების ეროვნული ბიუროს( nbe.gov.ge ) კუთვნილება გახლდათ.
როგორც გავს ბატონ ტარიელს მხარდამჭერებიც ჰყავს აღნიშნულ სამსახურში, წინააღმდეგ შემთხვევაში რას მივაწეროთ მათი ასეთი დაინტერესება?!
ინციდენტი ამით არ ამოწურულა, დილით დაახლოებით 12 საათზე მორიგი პროვოკაცია დაგეგმეს.
სავარაუდოდ იგივე ოპერატორი, და რამდენიმე პიროვნება, თავშესაფრის შესასვლელში იდგა და კამერით იღებდა თავშესაფრის ტერიტორიას.მათთან ერთად იმყოფებოდა მეზობელი ხათუნა ელიზბარაშვილი, რომელიც მეგზურობას უწევდა მათ. როცა გადაღებას მორჩნენ, დაახლოებით ნახევარი საათის შემდეგ, დაუძახეს თავშესაფრის თანამშრომელს გიორგი ოქრომჭედლიძეს და აცნობეს, რომ თავშესაფრის ძაღლი მკვდარი იპოვეს ხათუნას ეზოში.
გიორგი და ელიზბარ ოსმანოვი(თავშესაფრის თანამშრომელი) წავიდნენ და შეამოწმეს მკვდარი ძაღლი, რომელიც თავშესაფრის ძაღლი არ აღმოჩნდა.
ამის შემდეგ ქალბატონმა ხათუნამ გამოიძახა საპატრულო პოლიცია , თავშესაფრის დირექტორი თეიმურაზ მამოევი მივიდა პატრულთან , რომელმაც განუცხადა ,რომ ისინი ქალბატონი ხათუნას საჩივრის საფუძველზე იყვნენ მოსული.
საჩივარი მდგომარეობდა შემდეგში, რომ თავშესაფრის ძაღლები იმყოფებიან გარე პერიმეტრზე, შედიან მის ეზოში , სადაც კვდებიან(აბსურდული ბრალდებაა???)... პატრულმა დააფიქსირა გამოძახება, არანაირი პრეტენზია არ გამოუთქვამს და წავიდა.
ამის შემდეგ თავშესაფრის დირექტორი მივიდა ხათუნას სახლთან, მან ჰკითხა მიზეზი პატრულის გამოძახების, ქალბატონმა აუხსნა , რომ ის შეწუხებული იყო თავშესაფრის ძაღლებით. დილით, როცა ვნახე მკვდარი ძაღლი და თქვენს თანამშრომელს ვაცნობე, მან არ მომაქცია ყურადღება, გავბრაზდი და გამოვიძახე საპატრულო პოლიციაო...
მიუხედავად იმისა ,რომ მკვდარი ძაღლი არ იყო თავშესაფრის ბინადარი, თანამშრომლებმა მაინც გამოიტანეს ქალბატონი ხათუნას ეზოდან, გარეგნული დათვალიერებით ძაღლი იყო მოკლული, რაც იწვევს საფუძვლიან ეჭვს, რომ ის საგანგებოდ მოკლეს, რათა თავშესაფრის წინააღმდეგ პროვოკაცია მოეწყოთ.
თავშესაფრის ადმინისტრაცია და დამფუძნებელი ბიზნესმენი თამაზ ელიზბარაშვილი არ აპირებს ამ პროვოკაციის რეაგირების გარეშე დატოვებას. შესაბამისი ორგანოები მოახდენენ გამოძიებას და სათანადოდ დაისჯება , ყველა ვინც შანტაჟითა და პროვოკაციით ხელს უშლის თავშესაფრის მუშაობას.
[b],,თამაზ ელიზბარაშვილის ძაღლების თავშესაფრის’’ ადმინისტრაცია
[/b]
