ეს ლამაზი ძუ ქართული ქოფაკი ვიღაცამ თავშესაფართან ახლოს გარე განათების ბოძთან მიაბა. მეზობლებმა ჩვენთვის გაუგებარი მიზეზით , ჩვენ კი არ მოგვმართეს და არ შეგვატყობინეს ეს ამბავი , არამედ 112-ზე დარეკეს და მოითხოვეს ამ ძაღლის ლიკვიდაცია. დედალია და გამრავლდებაო. რა თქმა უნდა ცხოველთა მონიტორინგის სააგენტომ, რომელსაც ახალი ხელმძღვანელი ჰყავს ბატონი ვახტანგ ლომჯარია და მისი ხელმძღვანელობით სააგენტო მაქსიმალურად იცავს, როგორც ადამიანის ასევე ცხოველების უფლებებს , კაიროს ჩიხის მოსახლეობის ეს ვანდალური მოთხოვნა არ დააკმაყოფილა. მოუწოდა მოსახლეობას დაეცვათ კანონი. ძაღლი იმდენად დასტრესილი და შეშინებული იყო, რომ ჩვენ ცხოველთა მონიტორინგის ეკიპაჟთან ერთად გადავწყვიტეთ , რომ მისთვის უკეთესი იქნებოდა ჩვენ თავშესაფარში შეგვეყვანა და ასეც მოვიქეცით. ძაღლი 44-ე ვოლიერშია. ძალიან თბილი და მოსიყვარულე დედალია. მსურველი მობრძანდით და წაიყვანეთ
