დუშეთის შესასვლელში სწრაფად მიმავალი მსუბუქი მანქანა ძაღლს დაეჯახა. არც გაუჩერებია , გზა განაგრძო. ამ ამბავს ერთი ქალბატონი შეესწრო. ძვლებდამტვრეული ძაღლი თავის ეზოში გადაიყვანა . 2 კვირა უვლიდა, აჭმევდა, ასმევდა, ანტიბიოტიკებს და ვიტამინებს უკეთებდა. მეზობლები დასცინოდნენ, ზოგი მასხრად იგდებდა:-შენ ოჯახს და შვილებს მიხედე, მეტი საქმე არ გაქვსო ? არ აქცევდა ყურადღებას კეთილი ქალბატონი მეზობლების ქილიკს და შეძლო კიდეც ძაღლის კოჭკლობით , მაგრამ მაინც ფეხზე დაყენება. თითქოს სიკეთეს უნდა გაემარჯვა ბოროტებაზეო, მაგრამ ასე არ მოხდა . როგორც ჩანს დუშეთში ამ კეთილი ქალბატონის მეზობლებს შორის ვიღაც ნაძირალა და სადისტია. აბა უცხო ადამიანი ღამით ტყვიას არ ესროდა ეზოში მყოფ ძაღლს. ხათუნა რთველიაშვილმა გვიან ღამით ჩამოიყვანა ეს საწყალი შავი ძაღლი. დილით გავუკეთეთ კლინიკა "აიბო"-ში რენტგენი . ძაღლს ორი, სავარაუდოდ "გეკო"-ს ტყვია აქვს მოხვედრილი, ერთი ხერხემლის შუა მალაშია გაჭედილი, მეორე გულ-მკერდის ძვალში. მდგომარეობა მძიმეა. თუ მოხდა სასწაული და ძაღლი გადარჩა ის უკანა თათებს სამუდამოდ დაკარგავს.
