,,რინგოს'' ამბავი უკვე ყველამ იცის... მცხეთის რაიონის სოფელ წეროვანის გამგებელმა, ზაზა როსტიაშვილმა ,მეზობლად მცხოვრები ნოდარ მუხათგვერდელის ძაღლი, ოთხშაბათს ,ცეცხსასროლი იარაღით დაჭრა... სოციალურ ქსელებში გაჟღერებულ ინფორმაციას, გამოეხმაურა ცხოველთა დამცველები და მედია საშუალებები, იყო მოწოდებები, ძაღლის გადასარჩენად თანხის შეგროვების, მაგრამ ბატონმა თამაზ ელიზბარაშვილმა თავის თავზე აიღო ყველა ხარჯი... დაჭრილი ძაღლი პატრონმა იმ დღესვე მიიყვანა ვეტ-ექიმთან, რომელმაც მკურნალობა დაუნიშნა, მაგრამ მდგომარეობა გაუარესდა... ბატონი თამაზის ინიციატივით, ჩვენი თავშესაფარის უშუალო მეთვალყურეობის ქვეშ ,,რინგო'' ცნობილ ვეტ-ექიმთან აკაკი რუაძესთან მივიყვანეთ კონსულტაციაზე... ბატონი აკაკის თქმით: ,,ძაღლს აქვს დაინფიცირებული ჭრილობა, ცეცხსასროლი იარაღით მიყენებული, წინა მხრის შუა ნაწილის მოტეხილობა. 4-5 დღის ანტიბიოტიკებით მკურნალობის შემდეგ გაუკეთდება ოპერაცია.'' ბატონმა აკაკიმ ურჩია პატრონს, რომ უმჯობესი იქნებოდა ძაღლის თავშესაფრის კლინიკაში მოთავსება ,წინასაოპერაციო პერიოდში, 4-5 დღის განმავლობაში. შევთანხმდით, მაგრამ თავშესაფართან მოსულმა, ვეღარ გაიმეტა ჩვენთან დასატოვებლად: ,,უარესი არ დაემართოს დარდისგან, მირჩევნია ჩემთან იყოს, ყოველ დღე ჩამოვიყვან ანტიბიოტიკების გასაკეთებლადო''...
