გუშინ საღამოს თბილისთან ახლოს მდებარე ვაზიანის დასახლებიდან ზარი შემოვიდა. შეგვატყობინეს, 3 დღეა მიტოვებული საწარმოს (ე.წ. "გაზზავოდი") ტერიტორიაზე 8 მეტრი სიღრმის დამშრალ აუზში მგელია ჩავარდნილი , ყველა სამთავრობო სტრუქტურაში დავრეკეთ, მაგრამ არავინ მოდის. იქნებ თქვენ უშველოთ ამ საცოდავსო.
დავრეკეთ გარემოს დაცვის სამინისტროში . მივაწოდეთ ინფორმაცია აუზში ჩავარდნილი მგლის შესახებ, მაგრამ როგორც ყოველთვის გვიპასუხეს: ,,არ გვაქვს შესაბამისი აღჭურვილობა და შიშველი ხელებით ვერ მივეკარებით, გვეშინია,, რაც შეეხება ცხოველთა მონიტორინგის სააგენტოს კანონით მათ მკაცრად აქვთ განსაზღვრული ტერიტორია, თბილისის გარეთ ეკრძალებათ მუშაობა. ვაზიანის დასახლება კი გარდაბნის რაიონს ეკუთვნის.
მეტი რა გზა იყო, დღეს დილით ჩვენი სამაშველო ჯგუფი შიშველი ხელით გაეშურა მგლის დასახმარებლად. ჩვენმა უშიშარმა ბიჭებმა ამოიყვანეს მგელი აუზიდან .
ადგილობრივებმა გვითხრეს , რომ 5 დღის უკან ღამე მგლის ყმუილი გვესმოდა და რას ვიფიქრებდით თურმე ეს საცოდავი შველას ითხოვდაო. აუზში ჩაყრილი სხვადასხვა საკვები შევამჩნიეთ,მივხვდით რომ ეს ამ კეთილი ადამიანების ჩაყრილი იყო და ვკითხეთ ჭამდა თუ არა მგელი. პირი არაფრისთვის დაუდიაო, გვიპასუხეს.
გადმოვიყვანეთ თავშესაფარში და ხვალ დილით გადავიყვანთ კლინიკა აიბოში , გადავუღებთ რენტგენს და გავუკეთებთ გადასხმებს.
)~6.jpg)
