ეს ულამაზესი არლეკინი პატრონმა იმის გამო დატოვა ქუჩაში , რომ ორივე თვალით ბრმაა. ჩვენთან თავშესაფარში კეთილმა ადამიანმა , რამაზ ზუმბულიძემ მოიყვანა. კლინიკა "აიბო"-ში დაუსვეს დიაგნოზი, რომ ძაღლს თვალის ჩინი არასდროს დაუბრუნდება. ჩვენი გვერდის საშუალებით ნინო შონიამ შეიტყო ეს ამბავი. მოვიდა თავშესაფარში და ძაღლის ჩუქება გვთხოვა. -ბრმა ძაღლი მყავდა . სამწუხაროდ რამდენიმე დღის უკან მომიკვდა და მინდა ისევ ბრმა ძაღლს ვაჩუქო ოჯახური სითბო და სიმყუდროვეო. ვაჩუქეთ. საღამოს ნინომ კიდევ დაგვირეკა , ძაღლი არამარტო ბრმა არამედ ყრუც არისო. სამაგიეროდ ყნოსვა აქვს ძალიან ძლიერი და ამის საშუალებით გვერდიდან არ მშორდებაო. დიდი მადლობა ნინოს ძაღლის გადარჩენისა და სიკეთისათვის.
~5.jpg)
