დიანა გახუტაშვილი თბილისში სწავლობს . მას საგარეჯოს რაიონის სოფელ უდაბნოში სახლი აქვს და ზაფხულში ხშირად ჩადის ხოლმე . დღეს დარეკა ბატონ თამაზისთან და საშინელი ამბავი მოუთხრო : თურმე ამ სოფელში , რომელიც დავით გარეჯის სამონასტრო კომპლექსის გარეთ მდებარეობს ახლო-მახლო რაიონებიდან ხშირია შემთხვევა მანქანით მოჰყავთ ძაღლები და უდაბნოში ტოვებენ . ეს ძაღლიც , რომლის ფოტოსაც ვაქვეყნებთ ერთ-ერთი მათგანია , რომელიც ცუდმა ადამიანმა 1 თვის წინ სოფლის განაპირას მანქანიდან ჩამოაგდო და მიატოვა. საწყალი ძაღლი 8 დღე იმ ადგილას არ მოშორებია სადაც პატრონმა მიატოვა . დიანამ რომ გაიგო ეს ამბავი მივიდა , ძაღლს წყალი მიუტანა და სოფელში თავის ეზოში შეიყვანა . დააპურა. როცა თბილისში უწევდა წამოსვლა ძაღლი სოფლის ბოლომდე მიაცილებდა და იქვე გვიანობამდე ელოდებოდა კეთილი პატრონის დაბრუნებას . ერთხელაც ქალაქიდან სოფელში დაბრუნებულ დიანას სოფლის შესასვლელთან ძაღლი არ დახვდა იმ ადგილას, სადაც ძაღლმა დილით გააცილა. სისხლი შეამჩნია . გულმა ცუდი უგრძნო . გაჰყვა სისხლის კვალს , რომელიც დიანას სახლთან მთავრდებოდა . სახლის კარებთან თოფით დაჭრილი ძაღლი იწვა . ვიღაცა ნაძირალას სასიკვდილოდ გაემეტებინა. უმკურნალა , გადაარჩინა , მაგრამ დაკოჭლდა. ეხლა უკვე კოჭლობით აცილებდა დიანას და სოფლის განაპირას ელოდებოდა პატრონის დაბრუნებას. ერთხელაც ცოტა ადრე მოუწია დაბრუნება დიანას და შემზარავ სურათს გადააწყდა . პატარა სოფლელი ბიჭები 12-13 წლის ჯოხით სცემდნენ . ამას რას აკეთებთო შეჰყვირა დიანამ .სოფელში მოძალადე ბავშვების მშობლებს მოუყვა ეს ამბავი და იმის მაგივრად , რომ სოფელს ეს ბავშვები გაეკიცხათ , დაერიგებინათ დიანას "მაწუნკალა ძაღლების" პატრონობა დაუწუნეს და ძაღლის მოკვლით დაემუქრნენ . დღეს დიანამ თავისი გადარჩენილი ოთხფეხა მეგობარი ჩვენთან მოიყვანა . სოფელში , რომ დავტოვო მომიკლავენო.
