,ნახეთ, რა დღეშია, კვნესის თავიც კი არ აქვს''–წუხს ბატონი ალეკო ოღიაშვილი, მანქანის საბარგულს აღებს და იქ მოკუნტულ ძაღლს გვაჩვენებს... თემქაში, ,,უნივერსამის'' ტერიტორიაზე ვიპოვე , ხალხი ეხვია თავზე, ამბობდნენ მანქანამ დაარტყაო, მაშინვე დავურეკე ბატონ თამაზს... რა თქმა უნდა მივიღებთო, დრო რომ არ დაგვეკარგა, ჩავსვი ჩემს მანქანაში და მოვედი... სამი წლის წინ, ჩემი როტვეილერი მოვიყვანე თქვენთან, დედაჩემს უკბინა და ... სამი დღე მოუწია აქ ყოფნა... დამიკავშირდა ბატონი თამაზი და მითხრა, რომ ძაღლი უმძიმეს მდგომარეობაშია, თუ არ წაიყვან, შეიძლება მოკვდესო... მაშინვე მოვაკითხე და წავიყვანე... დღემდე სანანებლად მაქვს, ის სამი დღე... ,,როიმ'' მაპატია, მაშინვე, მაგრამ, ჩემს თავს ვერ ვპატიობ... ახლა, თავშესაფარში რომ ვხედავ ძაღლებს, გული მიკვდება... მიუხედავად ასეთი მზრუნველობისა, მაინც პატრონთან ურჩევნიათ...
დაშავებული ძაღლი, ჩვენს კლინიკაშია და მის სიცოცხლეს საფრთხე აღარ ემუქრება...
